Ħinijiet tal-Klinika

Mit-Tnejn sal-Ġimgħa
8.00 – 14.00

Is-Sibt
8.00 – 11.00

Numru ta’ Kuntatt

25452314/7

X’inhi t-Terapija Okkupazzjonali (OT)?

It-terapija okkupazzjonali tindirizza l-kwalità tal-ħajja tal-individwu, billi tiffoka fuq il-bżonnijiet fiżiċi, sensorji, konjittivi u psikosoċjali. L-għan aħħari huwa li jgħin lill-persuna tikseb indipendenza funzjonali filwaqt li tkun komda u produttiva f’ambjenti differenti.

Liema servizzi huma offruti mid-dipartiment tal-OT?

Occupational Therapists fiċ-Ċentru tal-Onkoloġija Sir Anthony Mamo (SAMOC) isegwu klijenti ta’ kull età matul b’diffikultajiet funzjonali li jirriżultaw mid-dijanjosi jew mit-trattament tal-onkoloġija. Is-servizzi ta’ terapija okkupazzjonali huma pprovduti fis-swali kollha tas-SAMOC kif ukoll lill-outpatients fis-Servizzi ta’ Appoġġ Kliniku. Jistgħu jsiru wkoll żjarat fid-dar, fl-iskola jew fuq ix-xogħol biex jiġi assesjat l-ambjent u jiġi rrakkomandat kwalunkwe adattament meħtieġ.

Min jista’ jagħmel użu minn dan is-servizz?

Persuni li jesperjenzaw diffikultajiet minħabba l-kanċer u t-trattament tiegħu jistgħu jibbenefikaw minn interventi mill-OT. Dawn id-diffikultajiet jistgħu jinkludu iżda mhumiex limitati għal:

• Tnemnim fl-idejn u/jew saqajn wara trattament ta’ kimoterapija
• Uġigħ li jaffettwa l-abbiltà li twettaq il-kompiti ta’ kuljum
• Diffikultajiet newroloġiċi
• Diffikulta biex toqghod bilqiegħda u pożizzjonament
• Qtugħ ta’ nifs li jaffettwa l-funzjoni u l-kwalità tal-ħajja
• Inabbiltà li tikkonċentra u tipproċessa l-informazzjoni
• Għeja u diffikultà fit-twettiq tal-kompiti ta’ rutina ta’ kuljum
• Diffikultà biex torqod
• Ansjetà

Kif tista’ tiġi riferut?

Kwalunkwe tabib jew professjonist tas-saħħa jista’ jirreferik għal servizzi ta’ Terapija okkupazzjonali. Tista’ wkoll tikkuntattja lid-dipartiment tal-OT jekk ikollok xi dubji u tiġi ggwidat kif jkun hemm bżonn.