Ħinijiet Kliniċi
Mit-Tnejn sal-Ħadd: 6:30 – 13:00

Numri ta’ kuntatt
25452655, 79847347

X’servizz huwa offrut mill-Infermier Prattiku tal-Ematoloġija?
L-Infermier Prattiku tal-Ematoloġija jipprovdi kura speċjalizzata lil pazjenti bil-kanċer tad-demm (emato-onkoloġija), u l-persuna/i ta’ fiduċja tagħhom. L-Infermier Prattiku tal-Ematoloġija jaħdem flimkien mal-Ematoloġisti u t-timijiet mediċi rispettivi tagħhom. Wara l-appuntament tiegħek mal-Ematologu, l-Infermier Prattiku tal-Ematoloġija jista’ jipprovdi informazzjoni u pariri lilek u lill-familja tiegħek dwar aspetti tal-marda, it-trattament u l-kura tiegħek. Il-mistoqsijiet u l-ħsibijiet kollha li jista’ jkollok huma importanti, allura jekk m’intix ċert dwar xi ħaġa, jekk jogħġbok staqsi.
Meta jkun xieraq, l-Infermier Prattiku tal-Ematoloġija jista’ jirreferik għal professjonisti oħra tas-saħħa jew organizzazzjonijiet esterni.

Infermier Prattiku tal-Ematoloġija jista’ jarak:
-L-unità tal-Ematoloġija,
-Outpatients klinika, jew
-Il-Kura ta’ Matul il-Jum.

Uħud mis-servizzi mogħtija huma:
-L-edukazzjoni tal-pazjenti u l-persuni li jieħdu ħsiebhom dwar il-kura u l-immaniġġjar tagħhom infushom waqt it-trattament
– L-edukazzjoni tal-pazjenti u l-persuni li jieħdu ħsiebhom dwar l-effetti sekondarji tal-kimoterapija, u azzjonijiet li jistgħu jittieħdu biex jikkontrobattu dawn l-effetti sekondarji
-Segwitu tal-pazjenti matul il-kors tal-mard
– Li tkun ‘punt ta’ kuntatt’
-Pariri u appoġġ lill-pazjenti u lil min jieħu ħsiebhom
-Segwitu wara t-trattament
-Kollegament ma’ professjonisti oħra tal-kura tas-saħħa.

Min jista’ jagħmel użu mis-servizz?
Kwalunkwe pazjent adult li jkun ġie djanjostikat b’Lewkimja akuta jew kronika, Limfoma ta’ grad għoli jew baxx, Majeloma jew Sindromu Mijelodisplastiku jista’ jagħmel użu minn dan is-servizz. Persuna/i ta’ fiduċja ta’ dawn il-pazjenti jistgħu wkoll jagħmlu użu mis-servizz.

Kif tista’ tiġi riferut għand l-Infermier tal-Prattika tal-Ematoloġija?
Riferiment lill-Infermier Prattiku tal-Ematoloġija jista’ jsir minn kwalunkwe professjonist fil-kura tas-saħħa, lilek innifsek jew lil min jieħu ħsiebek. Dan jista’ jsir jew billi timla l-formola ta’ referenza, jew billi tikkuntattja lill-Infermier tal-Prattika tal-Ematoloġija.