Ematoloġija u Onkoloġija

Appuntamenti għal Każijiet Ġodda:

Wara li tkun riferut għall-Outpatients fiċ-Ċentru, isir arranġament biex tingħata appuntament mal-konsulent rispettiv.

Appuntamenti ta’ follow-up:

L-appuntamenti ta’ follow-up jsiru fl-Outpatients u tingħata ittra/e-mail bl-appuntament.

Tfal/Adolexxenti

Appuntamenti għal Każijiet Ġodda:

L-Onkologu Pedjatriku jara l-Każijiet Ġodda fis-Sala tal-Pedjatrija/Adolexxenti.

Appuntamenti ta’ follow-up:

L-Outpatients fiċ-Ċentru jilqa’ pazjenti tfal/adolexxenti għal appuntamenti ta’ follow-up biss.

X’għandi nġib miegħi għall-appuntament?

Għandek iġġib dawn li ġejjin għall-appuntament:

• Karta tal-identità
• Biljett il-blu tal-appuntament tal-isptar jew ittra bl-appuntament
• Il-karta bl-iskeda V (il-karta s-safra) jew dokumenti oħra għal mediċini speċjalment jekk ikun meħtieġ it-tiġdid tal-permessi.
• Kwalunkwe kopja ta’ immaġini mediċi jew dokumenti minn kliniċi privati jew sptarijiet oħrajn.
• Pazjenti barranin (ID li tispiċċa b’A jew F): Kwalunkwe dokument relatat għall-intitolament

Persuni li jakkumpanjawk

Huwa rakkomandat li persuna waħda biss takkumpanjak għall-appuntament.

Tagħrif rilevanti ieħor

Huwa importanti li inti tirrispetta l-ħin imniżżel fl-ittra tal-appuntament. Filwaqt li nixtiequ li inti tiġi nvistat fil-ħin, għandek tifhem li, minħabba ċirkustanzi mhux previsti, jista’ jkollok bżonn li tistenna għal xi zmien qabel ma tkun moqdi.

Tibdil fl-appuntament

Jekk appuntament ikun jeħtieġ kanċellazzjoni, il-pazjenti u/jew il-qraba għandhom ġentilment iċemplu fuq 2545 7000 malajr kemm jista’ jkun sabiex ikun jista’ jiġi organizzat appuntament alternattiv.