Ħinijiet tal-Klinika

Mit-Tnejn sal-Ġimgħa
8.00-14.00

Nhar ta’ Sibt
8.00-11.00

L-ebda sessjoni ma’ ssir nhar ta’ Ħadd u jew f’Festi Pubbliċi

Numri ta’ kuntatt – 25452300/9

X’jagħmel id-Dipartiment tal-Fiżjoterapija?

Id-dipartiment tal-fiżjoterapija joffri s-servizzi tiegħu lill-pazjenti rikoverati fl-isptar u dawk li ġejjin minn barra li jgħaddu minn limitazzjonijiet fiżiċi minħabba l-kanċer u/jew it-trattament tiegħu. Il-fiżjoterapija tista’ tgħin fit-titjib tal-kwalità tal-ħajja billi timmasimizza l-abbiltà u l-indipendenza funzjonali u fil-ġestjoni ta’ sintomi bħal uġigħ, għeja u qtugħ ta’ nifs. Il-fiżjoterapista se jivvaluta l-ħtiġijiet tiegħek u flimkien se tifformulaw għanijiet realistiċi biex jintlaħqu. Is-sessjonijiet tat-trattament huma mfassla skont kif tkun qed tħossok f’dik il-ġurnata.

Liema servizzi huma offruti mid-dipartiment tal-Fiżjoterapija?

Noffru servizzi kemm għal pazjenti ta’ ġewwa l-isptar u kemm għal dawk ġejjin minn barra. Is-servizzi tagħna jkopru pazjenti tal-kanċer adulti u tfal. Id-dipartiment għandu wkoll servizz ta’ linfoedima apposta.

Min jista’ juża dan is-servizz?

Kwalunkwe pazjent tal-kanċer li jkollu limitazzjonijiet fil-mobbiltà minħabba l-kanċer u t-trattament tiegħu jista’ jiġi riferut għall-fiżjoterapija. Tista’ tibbenefika mill-fiżjoterapija jekk tesperjenza kwalunkwe minn dawn il-problemi:

• Dgħufija tal-muskoli
• Ċaqliq limitat tal-ġogi eż. nuqqas ta’ ċaqliq tal-ispalla fil-pazjenti li jkunu ġew ikkurati għall-kanċer fis-sider
• Problemi ta’ mobbiltà, bħal mixi u biex toħroġ mis-sodda
• Linfoedima: nefħa fid-dirgħajn jew fir-riġlejn wara l-kura kontra l-kanċer
• Għeja u qtugħ ta’ nifs
• Uġigħ
• Jekk tkun se tibda’ il-kura tal-kanċer: Sessjoni preventiva biex tgħin l-funzjoni fiżika tiegħek u biex tnaqqas ir-riskju jew tillimita is-sintomi assoċjati mal-kura.

Is-servizz jgħin u jappoġġja wkoll lill-qraba tal-pazjenti b’tekniki ta’ kif tqandel pazjent u kif tista tmexxiħ.

Kif tista’ tiġi riferut?

Ġentilment itlob lit-tabib jew nurse navigator tiegħek għal nota ta’ referenza jekk ikollok bżonn tuża s-servizzi tagħna. Appuntament jista’ jiġi organizzat billi personalment tippreżenta nota ta’ referenza jew bit-telefon jew permezz ta e-mail [email protected]. Ikkuntattjana jekk tkun tixtieq tiċċekja jekk int tkunx tista’ tibbenefika miss-serivizz tal-fiżjoterapija.